اسوار عالية ابراج تحوطك من كل مكان
عنابر
زنازين اشبه بعلب السردين
طعام سيئ
شوق للاهل والاحباب
هو دة الحال في
سجن الغربنيات
مفيش اتصال بالعالم الخارجي
وشم نسيم الحرية
غير ..... السماء
اللي كنت بشوفها من وراء القضبان
لوحة كبيرة
برسم عليها احلامي
للاسلامي وبلدي ونفسي
حلمت للاسلامي
يرجع تاني نهج لحياتنا
حلمت بأمة المليار تكون واحدة
وتكون وحدة اسلامية
زي اللي بنشوفها في الحج
حلمت بالاقصي رجع لينا
وكلنا بنصلي العيد فيه
حلمت
ببلدي مصر
حرة ومفيش حد يتحكم فيها
حلمت بالحرية فيها
وكل المعتقلات اتهدت
حلمت برئيس لينا
عايش بينا مش في القصور قاعد
حاسس بمشاكلنا
حلمت بجامعة حرة مفيش أمن الدولة فيها
حلمت بقضاء مستقل تحترم احكامه
حلمت بانتخابات مفيش فيها
بلطجية ولا تزوير
حلمت ان الظلم انتهي والعدل بقة في كل مكان
حلمت باللازهر رجع من تاني
ينور لمسلمين حياتهم
ويقول كلمة الحق في كل وقت
رسمت لبلدي احلي صورة
نفسي اشوفها في اقرب فرصة
حلمت بنفسي
بقيت محامي كبير
اجيب الحق للغلابة
ارسم علي وشهم ابتسامة
ولاقي شقة وتجوز بنت الحلال
لسة برسم احلامي في السما
لقيت الشاويش منادي عليه
إفراج
قلت الحمد لله جه الوقت
اللي اخلي احلامي
حقيقة
بس قول ..... يارب
ليست هناك تعليقات:
إرسال تعليق