كل يوم نسمع فتوي غربية من إرضاع الكبير الي تبرك ببول النبي - صلي الله عليه وسلم - وبرغم من الفتاوي الكتير واللي انتشرت مع الفضائيات إلا انها لا تعالج القضايا والازمات اللي بتواجه الناس في حياتهم و يسيطر عليك احساس ان الناس اللي بتصدر الفتاوي دية عايشة فيعالم تاني مش بس كدة في يوم الجمعة اللي فات ألقي الشيخ محمد حسان خطبة أكد ان الاضرابات لاتجوز من الناحية الشرعية لكونها تخربية
دة كلام ياشيخ حسان الناس تعمل ايه من الغلاء والحكومة مش بتعمل حاجة فكروا يعمل حاجة يسمعوا الحكومة صوتهم قالوا نقعد في البيت
فيها حاجة دية دة الصحابي الجليل أبو ذر - رضي الله عنه - " بيقول عجبت لرجل لا يجد قوت يومة ولايخرج شاهر سيفه علي الناس "
كنت اتمني ان سمع رايك ياشيخ حسان في
احتكار أحمد عز لحديد مش برضة الاحتكار لايجوز شرعيـاٌ
اعتقال الشرفاء والقاء بهم في غياهب السجون ومحاكمات العسكرية لهم
الفساد اللي وصل للركب في الجهاز الاداري للدولة
في تزوير الدولة للانتخابات
في تصدير الغاز المصري الي اسرائيل في حين قطاع غزة اللي هما مسلمين زينا مفيش وقود عندهم
انتهاكات حقوق الانسان في مصر
طوابير العيش وسقوط العديد من الشهداء علشان رغيف عيش
هروب ممدوح اسماعيل صاحب العبارة دون ايه ملاحقة
التعديلات الدستورية واللي خليت مصر دولة بولسية بطريقة رسمية
قانون الطورائ واللي مستمر من 27 سنة
ياشيخ حسان الاضرابات مش حاجة جديدة و دة حق دستوري وقانوني و وسيلة من وسائل التعبير السلمي وبتحصل في عديد من دول العالم اّخرها فرنسا كم اتمني ألا نستخدم الاسلام في تبرير استبداد الانظمة ونتقتل اي تحرك شعبي سلمي للتغير بفتوي في حين الحكومات تمارس الاستبداد والظلم والفساد ما فيش فتوي تقول ياحكومة اتقي الله في شعبك نفسي أشوف احد من المشايخ زي العز بن عبد السلام كان لايخاف في قول الحق للحاكم في نهاية بقول للشيخ محمد حسان ( فليقل خيراٌ أو فليصمت )
هناك 4 تعليقات:
اخي رافي
معك كل الحق في ما قلت لكن ليكن نقدنا مابال اقوام يفعلون كذا وكذا .
شخص الشيخ محمد حسان لا يعنينا انما يعنينا تلك الفتوى والطريقة التي قد تكون متعمدة فلننشغل بنقد هذه الطريقةوهذا الاسلوب فهذا هو هدي الحبيب المصطفى صلى الله عليه وسلم مابال اقوام يفعلون كذا وكذا .
وجزاك الله خيرا
فكرة التركيز علي شخصية الشيخ محمد حسان لان دة مش اول موقف لية يعني في عام 2005 لما كان في مظاهرات بضغط علي النظام لمطالبة بالاصلاح والاستقلال القضائي لاقيت الشيخ حسان بيقول ان المظاهرات لاتجوز شرعياٌ طيب لية وعلي ايه دليل من الكتاب والسنة دة برضة اللي حاصل في موضوع الاضراب طيب بدام الشيخ بيقول فتاوي في القضايا السياسية عايزين نسمعه في قضايا الاخري
اخي رافي
الامام البنا فهم معنى مابال اقوام فقال مقالته الشهيرة :لكنا لانعرض الى الهيئات والاشخاص مهما كانوا لكننا نعرض للفكر فقط
والله من وراء القصد ونفع الله بك
اخي رافي باتفق معاك كليا في كلامك في البوست ولعلها مش اول مرة نجد الحكومة تستخدم فيها الشيوخ اللي بيتسمعلهم في الشارع ولكن اتطمن .. لن تجد شيء أقوى من الفقر يعرف الناس الصح .. الفقر والفلوس عند الناس خط احمر .. اللي بيمسه بيتعلم عليه لو صح التعبير .. فماتقلقش .. الخوف بس على الشيخ حسان لإنه انسان جميل وهازعل لو فقد شعبيته في الشارع وده اللي باتوقع انه يحصل لإنه لا يحمل أجنده محدده او منهج فسيخفت نجمه بهدوء كما سطع
بالنسبة لكلامك مع المهندس مختار عن عدم الاشاره ليه في الكلام فانا باتفق معاك في جزئية انها مش اول مره ليه وباتفق مع الاستاذ مختار في عدم التشهير بيه ولكن مش لاسبابه وان كانت على المستوى الادبي صحيحية وواجبه .. بل لإن احنا ضروري جدا نحافظ على وحدتنا وحاجه زي كده هتثير انقسام وخصوصا انه بيميل لتيار معين .. يعني احنا عارفين ان الشيعة لما بيسجدوا لقبور الامام الحسين والخامئني بيبقوا خارج الاسلام بس احنا بنقول للناس انهم مسلمين زينا زيهم لإننا مش عايزين لما تحصل حرب يحصل زي العراق .. احنا في أشد الحاجه لوحدة الصف
إرسال تعليق